Nova Vulgata7Noli facere mala, et mala non te apprehendent;
La: 5b. 21b. 23c. 33a
Nova Vulgata 7,2discede ab iniquitate, et deficiet abs te.
Nova Vulgata 7,3Fili, non semines in sulcis iniustitiae et non metes ea in septuplum.
Nova Vulgata 7,4Noli quaerere a Domino ducatum neque a rege cathedram honoris.
Nova Vulgata 7,5Non te iustifices ante Deum, quoniam agnitor cordis ipse est; et penes regem noli velle videri sapiens.
Nova Vulgata 7,6Noli quaerere fieri iudex, nisi valeas virtute irrumpere iniquitates; ne forte extimescas faciem potentis et ponas scandalum in aequitate tua.
Nova Vulgata 7,7Non pecces in multitudinem civitatis nec te immittas in populum.
Nova Vulgata 7,8Neque alliges duplicia peccata; nec enim in uno eris immunis.
Nova Vulgata 7,9Noli esse pusillanimis in oratione tua;
Nova Vulgata 7,10exorare et facere eleemosynam ne despicias.
Nova Vulgata 7,11Ne dicas: «In multitudine munerum meorum respiciet Deus et, offerente me Deo altissimo, munera mea suscipiet».
Nova Vulgata 7,12Non irrideas hominem in amaritudine animae; est enim, qui humiliat et exaltat, circumspector Deus.
Nova Vulgata 7,13Noli arare mendacium adversus fratrem tuum neque in amicum similiter facias.
Nova Vulgata 7,14Noli velle mentiri omne mendacium, assiduitas enim illius non est bona.
Nova Vulgata 7,15Noli verbosus esse in multitudine presbyterorum et non iteres verbum in oratione tua.
Nova Vulgata 7,16Non oderis laboriosa opera et rusticationem creatam ab Altissimo.
Nova Vulgata 7,17Non te reputes in multitudine indisciplinatorum;
Nova Vulgata 7,18memento irae, quoniam non tardabit.
Nova Vulgata 7,19Humilia valde spiritum tuum, quoniam vindicta carnis impii ignis et vermis.
Nova Vulgata 7,20Noli commutare amicum cum pecunia neque fratrem carissimum cum auro Ophir.
Nova Vulgata 7,21Noli discedere a muliere sensata et bona, quam sortitus es in timore Domini; gratia enim verecundiae illius super aurum.
Nova Vulgata 7,22Non laedas servum operantem in veritate neque mercennarium dantem animam suam.
Nova Vulgata 7,23Servus sensatus sit tibi dilectus quasi anima tua; non defraudes illum libertate neque inopem derelinquas illum.
Nova Vulgata 7,24Pecora tibi sunt? Attende illis, et, si sunt utilia, perseverent apud te.
Nova Vulgata 7,25Filii tibi sunt? Erudi illos et curva a pueritia cervicem illorum.
Nova Vulgata 7,26Filiae tibi sunt? Serva corpus illarum et non ostendas hilarem faciem tuam ad illas.
Nova Vulgata 7,27Trade filiam, et grande opus feceris, et homini sensato da illam.
Nova Vulgata 7,28Mulier si est tibi secundum animam tuam, non proicias illam, sed odibili non credas teipsum. In toto corde tuo
Nova Vulgata7,29honora patrem tuum et gemitus matris tuae ne obliviscaris.
Nova Vulgata 7,30Memento quoniam, nisi per illos, natus non fuisses; et quid retribues illis, quomodo et illi tibi?
Nova Vulgata 7,31In tota anima tua time Dominum et sacerdotes illius sanctifica.
Nova Vulgata 7,32In omni virtute tua dilige eum, qui te fecit, et ministros eius ne derelinquas.
Nova Vulgata 7,33Honora Deum ex tota anima tua et honorifica sacerdotes.
Nova Vulgata 7,34Da illis partem, sicut mandatum est tibi, primitiarum et purgationis et de neglegentia
Nova Vulgata 7,35et armum in oblationem et sacrificium sanctificationis et primitias sanctorum.
Nova Vulgata 7,36Et pauperi porrige manum tuam, ut perficiatur propitiatio et benedictio tua.
Nova Vulgata7,37Gratia dati in conspectu omnis viventis, sed et mortuo non prohibeas gratiam.
Nova Vulgata 7,38Non desis plorantibus in consolatione et cum lugentibus luge.
Nova Vulgata 7,39Non te pigeat visitare infirmum, ex his enim in dilectione firmaberis.
Nova Vulgata 7,40In omnibus operibus tuis memorare novissima tua et in aeternum non peccabis.
