Nova Vulgata21Fili, peccasti? Non adicias iterum, sed et de pristinis deprecare, ut tibi dimittantur.
La: 15b Gr II: 31c
Nova Vulgata 21,2Quasi a facie colubri fuge peccata: et, si accesseris ad illa, mordebunt te.
Nova Vulgata 21,3Dentes leonis dentes eorum interficientes animas hominum.
Nova Vulgata 21,4Quasi romphaea bis acuta omnis iniquitas: plagae illius non est sanitas.
Nova Vulgata 21,5Terror et iniuriae annullabunt substantiam, et domus, quae nimis locuples est, annullabitur superbia; sic substantia superbi eradicabitur.
Nova Vulgata 21,6Deprecatio pauperis ex ore usque ad aures Dei perveniet, et iudicium festinato adveniet illi.
Nova Vulgata 21,7Qui odit correptionem, in vestigio est peccatoris; et, qui timet Deum, convertet illam ad cor suum.
Nova Vulgata 21,8Notus a longe potens lingua audaci, et sensatus novit illum labi.
Nova Vulgata 21,9Qui aedificat domum suam impendiis alienis, quasi qui colligit lapides suos in hiemem.
Nova Vulgata 21,10Stuppa collecta synagoga peccantium, et consummatio illorum flamma ignis.
Nova Vulgata 21,11Via peccantium complanata lapidibus, et in fine illius fovea inferi.
Nova Vulgata 21,12Qui custodit legem, continebit sensum suum;
Nova Vulgata 21,13consummatio timoris Dei sapientia et sensus.
Nova Vulgata 21,14Non erudietur, qui non est prudens;
Nova Vulgata 21,15est autem astutia, quae abundat in malo, et non est sensus, ubi est amaritudo.
Nova Vulgata 21,16Scientia sapientis tamquam inundatio abundabit, et consilium illius sicut fons vitae permanet.
Nova Vulgata 21,17Cor fatui quasi vas confractum et omnem sapientiam non tenebit.
Nova Vulgata 21,18Verbum sapiens, quodcumque audierit scius, laudabit et ad illud adiciet; audivit luxuriosus, et displicebit illi, et proiciet illud post dorsum suum.
Nova Vulgata 21,19Narratio fatui quasi sarcina in via, sed in labiis sensati invenietur gratia.
Nova Vulgata 21,20Os prudentis quaeretur in ecclesia, et verba illius cogitabunt in cordibus suis.
Nova Vulgata 21,21Tamquam domus exterminata sic fatuo sapientia; et scientia insensati inenarrabilia verba.
Nova Vulgata 21,22Compedes in pedibus stulto doctrina, et quasi vincula manuum super manum dexteram.
Nova Vulgata 21,23Fatuus in risu exaltat vocem suam; vir autem sapiens vix tacite ridebit.
Nova Vulgata 21,24Tamquam ornamentum aureum prudenti doctrina et quasi brachiale in brachio dextro.
Nova Vulgata 21,25Pes fatui facilis in domum proximi, sed homo peritus verebitur personam.
Nova Vulgata 21,26Stultus a fenestra respiciet in domum, vir autem eruditus foris stabit.
Nova Vulgata 21,2727 Ineruditio hominis auscultare per ostium, et prudenti gravis contumelia.
Nova Vulgata 21,28Labia imprudentium stulta narrabunt, verba autem prudentium statera ponderabuntur.
Nova Vulgata 21,29In ore fatuorum cor illorum, et in corde sapientium os illorum.
Nova Vulgata 21,30Dum maledicit impius adversarium, maledicit ipse animam suam.
Nova Vulgata 21,31Susurro coinquinabit animam suam et in omnibus odietur; et, qui cum eo manserit, odiosus erit: tacitus et sensatus honorabitur.