Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24

Secundus Samuelis

4 Audivit autem Isbaal filius Saul quod cecidisset Abner in Hebron, et dissolutae sunt manus eius, omnisque Israel perturbatus est.
1 Isbaal - Adde ’îš-baal (cfr. 3 mss, Gr, Syr et Vg ’îš-bōšet)
2Duo autem viri duces turmarum erant filio Saul, nomen uni Baana et nomen alteri Rechab filii Remmon Berothitae de filiis Beniamin; siquidem et Beroth reputata est in Beniamin.
3Fugerant enim Berothitae in Getthaim, factique sunt ibi advenae usque in tempus hoc.


Erat autem Ionathan filio Saul filius debilis pedibus. Quinquennis enim fuit, quando venit nuntius de Saul et Ionathan ex Iezrahel. Tollens itaque eum nutrix sua fugit; cumque festinaret, ut fugeret, cecidit et claudus effectus est habuitque vocabulum Meribbaal.

4 Meribbaal - Lege hic et deinceps cum 1Par 8,34 meb-baal; TM «Mephiboseth»

Venientes igitur filii Remmon Berothitae, Rechab et Baana, ingressi sunt, fervente die, domum Isbaal, qui dormiebat super stratum suum meridie; et ostiaria domus purgans triticum obdormivit.
5 Et ostiaria... obdormivit - Adde cum Gr et Vg wehinnēh šō‛eret habbajit ḥôleqāh ḥittîm wattānŏm wattîšān
Ingressi sunt ergo usque interiora domus et percusserunt eum in inguine Rechab et Baana frater eius et fugerunt.
6 Omitte cum Gr loqeḥê ḥittîm (corruptum ex ḥôleqāh ḥittîm v. 5 et false insertum) = Vg «assumentes spicas tritici»
7Cum autem ingressi fuissent domum, ille dormiebat super lectum suum in conclavi, et percutientes interfecerunt eum; sublatoque capite eius, abierunt per viam Arabae tota nocte.

8Et attulerunt caput Isbaal ad David in Hebron dixeruntque ad regem: «Ecce caput Isbaal filii Saul inimici tui, qui quaerebat animam tuam; et dedit Dominus domino meo regi ultiones hodie de Saul et de semine eius».
9Respondens autem David Rechab et Baana fratri eius filiis Remmon Berothitae dixit ad eos: «Vivit Dominus, qui eruit animam meam de omni angustia,
10quoniam eum, qui annuntiaverat mihi et dixerat: “Mortuus est Saul”, qui putabat se prospera nuntiare, tenui et occidi in Siceleg, cui oportebat me dare mercedem pro nuntio;
11quanto magis nunc, cum homines impii interfecerunt virum innoxium in domo sua super lectum suum, non quaeram sanguinem eius de manu vestra et auferam vos de terra?».
12Praecepit itaque David pueris, et interfecerunt eos; praecidentesque manus et pedes eorum suspenderunt eos super piscinam in Hebron. Caput autem Isbaal tulerunt et sepelierunt in sepulcro Abner in Hebron.

Note al testo

1 Isbaal - Adde ’îš-baal (cfr. 3 mss, Gr, Syr et Vg ’îš-bōšet)
4 Meribbaal - Lege hic et deinceps cum 1Par 8,34 meb-baal; TM «Mephiboseth»
5 Et ostiaria... obdormivit - Adde cum Gr et Vg wehinnēh šō‛eret habbajit ḥôleqāh ḥittîm wattānŏm wattîšān
6 Omitte cum Gr loqeḥê ḥittîm (corruptum ex ḥôleqāh ḥittîm v. 5 et false insertum) = Vg «assumentes spicas tritici»