Nova Vulgata - Vetus Testamentum - Primus Paralipomenon - 9

Primus Paralipomenon

9 ¹Universus ergo Israel dinumeratus est, et summa eorum scripta est in libro regum Israel et Iudae. Translatique sunt in Babylonem propter delictum suum. ²Qui autem habitaverunt primi in possessionibus et in urbibus suis: Israel et sacerdotes et Levitae et Nathinaei.
³Commorati sunt in Ierusalem de filiis Iudae et de filiis Beniamin, de filiis quoque Ephraim et Manasse. 4Uthai filius Ammiud filii Amri filii Imri filii Bani: de filiis Phares filii Iudae; 5et de Selanitis: Asaia primogenitus et filii eius; ⁶de filiis autem Zara: Iehuel et fratres eorum sescenti nonaginta. ⁷Porro de filiis Beniamin: Sallu filius Mosollam filii Odovia filii Asana ⁸et Iobania filius Ieroham et Ela filius Ozi filii Mochori et Mosollam filius Saphatiae filii Rahuel filii Iebaniae ⁹et fratres eorum secundum genealogias suas nongenti quinquaginta sex; omnes hi principes familiarum secundum familias suas.

¹⁰De sacerdotibus autem: Iedaia, Ioiarib et Iachin, ¹¹Azarias quoque filius Helciae filii Mosollam filii Sadoc filii Meraioth filii Achitob principes domus Dei. ¹²Porro Adaias filius Ieroham filii Phassur filii Melchiae et Maasai filius Adiel filii Iezra filii Mosollam filii Mosollamoth filii Emmer, ¹³fratres quoque eorum principes per familias suas mille septingenti sexaginta, fortissimi robore ad faciendum opus ministerii in domo Dei.

¹⁴De Levitis autem: Semeia filius Hassub filii Ezricam filii Hasabia de filiis Merari; ¹⁵Bacbacar quoque, Hares et Galal et Matthania filius Micha filii Zechri filii Asaph ¹⁶et Abdia filius Semeiae filii Galal filii Idithun et Barachia filius Asa filii Elcana, qui habitavit in atriis Netophathitarum.
¹⁷Ianitores autem: Sellum et Accub et Telmon et Ahiman; et frater eorum Sellum princeps ¹⁸et usque ad hoc tempus est in porta regis ad orientem. Hi erant ianitores castris filiorum Levi. ¹⁹Sellum vero filius Core filii Abiasaph filii Core cum fratribus suis de domo patris sui: hi Coritae erant super opera ministerii custodes liminum tabernaculi; patres autem eorum super castra Domini custodiebant introitum, ²⁰et Phinees filius Eleazari princeps erat super eos olim — Dominus sit cum eo! — ²¹Zacharias filius Mosollamia ianitor portae tabernaculi conventus. ²²Omnes hi electi in ostiarios liminum ducenti duodecim, et descripti in villis propriis, quos constituerunt David et Samuel videns in munus perpetuum, ²³tam ipsos quam filios eorum in ostiis domus Domini, domus tabernaculi, in custodias. ²⁴Per quattuor ventos erant ostiarii, id est ad orientem et ad occidentem, ad aquilonem et ad austrum. ²⁵Fratres autem eorum in viculis suis morabantur et veniebant per septem dies de tempore usque ad tempus, ut essent cum illis. ²⁶Nam munus habebant perpetuum hi quattuor principes ianitorum. Hi scilicet Levitae erant super exedras et thesauros domus Domini; ²⁷per gyrum quoque templi Domini pernoctabant in custodiis suis, ut et ipsi mane aperirent fores.
²⁸De horum genere erant et super vasa ministerii, ad numerum enim et inferebantur vasa et efferebantur; ²⁹de ipsis et, qui credita habebant utensilia et omnia utensilia sancta, praeerant similae et vino et oleo et turi et aromatibus. ³⁰Filii quidam autem sacerdotum unguenta ex aromatibus conficiebant; ³¹et Matthathias Levites, primogenitus Sellum Coritae, munere perpetuo praefectus erat eorum, quae in sartagine frigebantur. ³²Porro de filiis Caath fratribus eorum super panes erant propositionis, ut semper novos per singula sabbata praepararent. ³³Hi sunt cantores, principes per familias Levitarum, qui in exedris vacantes morabantur, ita ut die et nocte iugiter suo ministerio deservirent. ³⁴Hi sunt capita Levitarum per familias suas secundum genealogias suas principes; hi habitaverunt in Ierusalem.

³⁵In Gabaon autem commorati sunt pater Gabaon Iehiel, et nomen uxoris eius Maacha. ³⁶Filius primogenitus eius Abdon et Sur et Cis et Baal et Ner et Nadab, ³⁷Gedor quoque et Ahio et Zacharias et Macelloth. ³⁸Porro Macelloth genuit Samaam; isti habitaverunt e regione fratrum suorum in Ierusalem cum fratribus suis. ³⁹Ner autem genuit Cis, et Cis genuit Saul. Et Saul genuit Ionathan et Melchisua et Abinadab et Isbaal. ⁴⁰Filius autem Ionathan Meribbaal, et Meribbaal genuit Micha; 41porro filii Micha: Phithon et Melech et Tharaa et Ahaz. ⁴²Ahaz autem genuit Iara, et Iara genuit Almath et Azmaveth et Zamri; Zamri autem genuit Mosa. ⁴³Mosa vero genuit Banaa, cuius filius Raphaia genuit Elasa, de quo ortus est Asel. ⁴⁴Porro Asel sex filios habuit his nominibus: Ezricam primogenitus eius, Ismael, Saria, Azarias, Obdia, Hanan; hi filii Asel.