Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22

Primus Regum

7 1Domum autem suam aedificavit Salomon tredecim annis et ad perfectum usque perduxit.
2Aedificavit quoque domum Saltus Libani centum cubitorum longitudinis et quinquaginta cubitorum latitudinis et triginta cubitorum altitudinis super quattuor ordines columnarum cedrinarum, et ligna cedrina super columnas.
3Et erat tectum cedrinum in alto super tabulas quadraginta quinque, quae erant super columnas, quindecim in uno ordine,
4et marginum tres ordines, fenestra iuxta fenestram tribus vicibus.
Ostia, id est postes, habebant quadruplicem marginem.
5 E regione fenestrae ad fenestram tribus vicibus (post «marginem»): varians lectio ad v. 4b
Ostia et (= id est) postes - Forte pro wehammezûzôt legendum est hammeḥĕzôt (cfr. Gr) ergo «aperturae (= ostia) fenestrarum» quia de portis et muris nihil dicitur ita ut domus Saltus Libani sit porticus apertus: fenestrae sunt in laquearibus tribus inter quattuor ordines columnarum
Et porticum columnarum fecit quinquaginta cubitorum longitudinis et triginta cubitorum latitudinis, et alteram porticum in facie maioris porticus et columnas et cancellos ante eas.
6 Cancellos - Communiter vertitur «tectum», sed hoc deberet esse super columnas. Textus incertus, forte glossis aucutus
7Porticum quoque solii, in qua tribunal erat, fecit et texit lignis cedrinis a pavimento usque ad pavimentum.
8Et domus, in qua habitabat, erat in altero atrio intro a porticu et simili opere. Domum quoque fecit filiae pharaonis, quam uxorem duxerat Salomon, tali opere quali et hanc porticum.


9Omnia lapidibus pretiosis, qui ad normam quandam atque mensuram tam intrinsecus quam extrinsecus serrati erant, a fundamento usque ad summitatem parietum, et extrinsecus usque ad atrium maius.
10Fundamenta autem de lapidibus pretiosis, lapidibus magnis decem sive octo cubitorum.
11Et desuper lapides pretiosi secundum mensuram secti et ligna cedrina.
12Et atrium maius in circuitu habebat tres ordines de lapidibus sectis et unum ordinem de dolata cedro; necnon et atrium domus Domini interius et porticus domus.


13Misit quoque rex Salomon et tulit Hiram de Tyro,
14filium mulieris viduae de tribu Nephthali, patre Tyrio, artificem aerarium et plenum sapientia et intellegentia et doctrina ad faciendum omne opus ex aere. Qui, cum venisset ad regem Salomonem, fecit omne opus eius.


Et finxit duas columnas aereas, decem et octo cubitorum altitudinis columnam unam, et linea duodecim cubitorum ambiebat columnam, et grossitudo eius quattuor digitorum, et intrinsecus cava erat; sic et columna altera.
15 Et grossitudo... columna - Adde cum Gr weobjô ’arba ’eṣbāôt nabûb wekēn hāammûd (cfr. Ier 42,21 et pro wekēn hāammûd Syr et Targ); TM omittit propter homoeoteleuton
16Duo quoque capitella fecit, quae ponerentur super capita columnarum, fusili aere; quinque cubitorum altitudinis capitellum unum et quinque cubitorum altitudinis capitellum alterum,
17et serta quasi in modum texturae, fimbriae in modum catenarum sibi invicem miro opere contextarum in capitellis, quae erant super caput columnarum, septem in capitello uno et septem in capitello altero.
Et fecit malogranatorum duos ordines per circuitum super sertum unum, ut tegerent capitella, quae erant super summitatem columnarum; eodem modo fecit et capitello secundo.
18 Malogranatorum - Lege cum Gr rimmônîm; TM «columnas»
Columnarum - Lege cum multis mss et Syr ammûdîm; TM «malogranatorum» (vocabula permutata sunt)
19Capitella autem, quae erant super capita columnarum, quasi opere lilii fabricata erant in porticu, quattuor cubitorum.
Et rursum alia capitella in summitate duarum columnarum etiam desuper, iuxta alvum, quae erat super sertum. Malogranatorum autem ducentorum duo ordines erant in circuitu capitelli primi et eodem modo in circuitu capitelli secundi.
20 Duo - Adde cum Syr še
Primi... capitelli - Adde cum Syr hā’aḥat wekēn sābîb al hakkōteret; TM omittit propter homoeoteleuton  
21Et statuit duas columnas in porticum templi; cumque statuisset columnam dexteram, vocavit eam nomine Iachin, similiter erexit columnam sinistram et vocavit nomen eius Booz.
22Et super capita columnarum opus in modum lilii posuit; per fectumque est opus columnarum.

23Fecit quoque mare fusile decem cubitorum a labio usque ad labium, rotundum in circuitu, quinque cubitorum altitudo eius; et resticula triginta cubitorum cingebat illud per circuitum.
Et scalptura colocynthidum subter labium circuibat illud, duo ordines scalpturarum fusilium in una fusione cum mari.
24 Illud - Additur «decem cubitis ambientes mare in circuitu»; quod videtur esse varians lectio vel glossa, in qua ex v. 23 falso sumitur numerus «decem» pro «triginta» (versio «decem per singulos cubitos» grammatice non permittitur et annotatio talis esset singularis)
25Et stabat super duodecim boves, e quibus tres respiciebant ad aquilonem et tres ad occidentem et tres ad meridiem et tres ad orientem, et mare super eos desuper erat; quorum posteriora universa intrinsecus latitabant.
26Grossitudo autem luteris habebat mensuram palmi, labiumque eius erat quasi labium calicis et folium repandi lilii; duo milia batos capiebat.


27Et fecit bases decem aereas, quattuor cubitorum longitudinis bases singulas et quattuor cubitorum latitudinis et trium cubitorum altitudinis.
28Hoc autem erat opus basium: limbos habebant, insuper et limbos inter columellas.
Super limbos inter columellas erant leones et boves et cherubim, et super columellas similiter; supra et infra leones et boves erant coronae, opus malleatum.
29 Coronae - Lege lewājōt; TM lōjôt (sic et vv. 30 et 36)
30Et quattuor rotae per bases singulas et axes aerei, et quattuor pedes et quasi umeruli subter luterem fusiles, contra singulos coronae.
Et os eius erat rotundum, opus basis, unius cubiti et dimidii; etiam in ore eius variae caelaturae erant, limbi autem eius erant quadrati, non rotundi.
31 Omittitur «Et os eius (luteris?) intrinsecus in capite et uno cubito supra»; videtur esse varians lectio ad sequens «et os eius (suffixum femininum = basis!)...»
Limbi autem eius - Lege ûmisgerōtêhā; TM «limbi autem eorum»
32Quattuor quoque rotae subter limbis erant, et fulcra rotarum cohaerebant basi; una rota habebat altitudinis cubitum et semis.
33Tales autem rotae erant, quales solent in curru fieri, et fulcra earum et canthi et radii et modioli, omnia fusilia.
34Nam et umeruli illi quattuor per singulos angulos basis unius ex ipsa basi fusiles et coniuncti erant.
35In summitate autem basis erat quaedam rotunditas dimidii cubiti, et in summitate basis fulcra eius et limbi eius ex semetipsa.
36Scalpsit quoque in tabulatis illis, fulcris eius et super limbos eius cherubim et leones et palmas secundum vacuum singulorum, et coronas per circuitum.
37In hunc modum fecit decem bases, fusura una, et mensura scalpturaque consimili.
38Fecit quoque decem luteres aereos; quadraginta batos capiebat luter unus, eratque quattuor cubitorum; singulosque luteres per singulas, id est decem bases posuit.
39Et constituit decem bases, quinque ad dexteram partem templi et quinque ad sinistram; mare autem posuit ad dexteram partem templi contra orientem ad meridiem.


Fecit quoque Hiram lebetes et vatilla et phialas et perfecit omne opus regi Salomoni in templo Domini;
40 Lebetes - Lege cum multis mss, Gr, Syr et Vg hassîrôt (=2Par 4,11); TM «luteres»
41columnas duas et globos capitellorum super capita columnarum duos et serta duo, ut operirent duos globos, qui erant super capita columnarum;
42et malogranata quadringenta in duobus sertis, duos versus malogranatorum in sertis singulis, ad operiendos globos capitellorum, qui erant super faciem columnarum;
43et bases decem et luteres decem super bases
44et mare unum et boves duodecim subter mare;
45et lebetes et vatilla et phialas. Omnia vasa, quae fecit Hiram regi Salomoni in domo Domini, de aere polito erant.
46In campestri regione Iordanis fudit ea rex in argillosa terra inter Succoth et Sarthan.
47Et posuit Salomon omnia vasa; propter multitudinem autem nimiam ignorabatur pondus aeris.


48Fecitque Salomon omnia vasa in domo Domini: altare aureum et mensam, super quam ponerentur panes propositionis, auream;
49et candelabra, quinque ad dexteram et quinque ad sinistram contra Dabir, ex auro puro, et florem et lucernas desuper aureas; et forcipes aureos
50et pateras et cultros et phialas et sartagines et turibula de auro purissimo; et cardines ostiorum domus interioris Sancti sanctorum et ostiorum domus templi ex auro.


51Et perfecit omne opus, quod faciebat Salomon in domo Domini, et intulit Salomon, quae sanctificaverat David pater suus, argentum et aurum et vasa, reposuitque in thesauris domus Domini.

Note al testo

5 E regione fenestrae ad fenestram tribus vicibus (post «marginem»): varians lectio ad v. 4b
Ostia et (= id est) postes - Forte pro wehammezûzôt legendum est hammeḥĕzôt (cfr. Gr) ergo «aperturae (= ostia) fenestrarum» quia de portis et muris nihil dicitur ita ut domus Saltus Libani sit porticus apertus: fenestrae sunt in laquearibus tribus inter quattuor ordines columnarum
6 Cancellos - Communiter vertitur «tectum», sed hoc deberet esse super columnas. Textus incertus, forte glossis aucutus
15 Et grossitudo... columna - Adde cum Gr weobjô ’arba ’eṣbāôt nabûb wekēn hāammûd (cfr. Ier 42,21 et pro wekēn hāammûd Syr et Targ); TM omittit propter homoeoteleuton
18 Malogranatorum - Lege cum Gr rimmônîm; TM «columnas»
Columnarum - Lege cum multis mss et Syr ammûdîm; TM «malogranatorum» (vocabula permutata sunt)
20 Duo - Adde cum Syr še
Primi... capitelli - Adde cum Syr hā’aḥat wekēn sābîb al hakkōteret; TM omittit propter homoeoteleuton  
24 Illud - Additur «decem cubitis ambientes mare in circuitu»; quod videtur esse varians lectio vel glossa, in qua ex v. 23 falso sumitur numerus «decem» pro «triginta» (versio «decem per singulos cubitos» grammatice non permittitur et annotatio talis esset singularis)
29 Coronae - Lege lewājōt; TM lōjôt (sic et vv. 30 et 36)
31 Omittitur «Et os eius (luteris?) intrinsecus in capite et uno cubito supra»; videtur esse varians lectio ad sequens «et os eius (suffixum femininum = basis!)...»
Limbi autem eius - Lege ûmisgerōtêhā; TM «limbi autem eorum»
40 Lebetes - Lege cum multis mss, Gr, Syr et Vg hassîrôt (=2Par 4,11); TM «luteres»