Nova Vulgata2323,1Et surgens omnis multitudo eorum duxerunt illum ad Pilatum.
Nova VulgataCoeperunt autem accusare illum dicentes: “ Hunc invenimus subvertentem gentem nostram et prohibentem tributa dare Caesari et dicentem se Christum regem esse ”.
2tributa dari
Nova Vulgata23,3Pilatus autem interrogavit eum dicens: “ Tu es rex Iudaeorum? ”. At ille respondens ait: “ Tu dicis ”.
Nova Vulgata23,4Ait autem Pilatus ad principes sacerdotum et turbas: “ Nihil invenio causae in hoc homine ”.
Nova Vulgata23,5At illi invalescebant dicentes: “ Commovet populum docens per universam Iudaeam et incipiens a Galilaea usque huc! ”.
Nova Vulgata Pilatus autem audiens interrogavit si homo Galilaeus esset
6audiens Galilaeam
Nova Vulgata23,7et ut cognovit quod de Herodis potestate esset, remisit eum ad Herodem, qui et ipse Hierosolymis erat illis diebus.
Nova VulgataHerodes autem, viso Iesu, gavisus est valde: erat enim cupiens ex multo tempore videre eum, eo quod audiret de illo et sperabat signum aliquod videre ab eo fieri.
8audiret multa de illo
Nova Vulgata23,9Interrogabat autem illum multis sermonibus; at ipse nihil illi respondebat.
Nova Vulgata23,10Stabant etiam principes sacerdotum et scribae constanter accusantes eum.
Nova Vulgata23,11Sprevit autem illum Herodes cum exercitu suo et illusit indutum veste alba et remisit ad Pilatum.
Nova VulgataFacti sunt autem amici inter se Herodes et Pilatus in ipsa die, nam antea inimici erant ad invicem.
12Et facti sunt amici Herodes et Pilatus
Nova Vulgata 23,13Pilatus autem, convocatis principibus sacerdotum et magistratibus et plebe,
Nova Vulgata23,14dixit ad illos: “ Obtulistis mihi hunc hominem quasi avertentem populum, et ecce ego coram vobis interrogans nullam causam inveni in homine isto ex his, in quibus eum accusatis,
Nova Vulgatased neque Herodes: remisit enim illum ad nos. Et ecce nihil dignum morte actum est ei.
15nam remisi vos ad illum
Nova Vulgata23,16Emendatum ergo illum dimittam ”.
Nova Vulgata
17Necesse autem habebat dimittere eis per diem festum unum (cfr. Mt 17, 15)
Nova Vulgata Exclamavit autem universa turba dicens: “ Tolle hunc et dimitte nobis Barabbam! ”,
18Exclamavit autem simul universa turba
Nova Vulgata23,19qui erat propter seditionem quandam factam in civitate et homicidium missus in carcerem.
Nova Vulgata 23,20Iterum autem Pilatus locutus est ad illos volens dimittere Iesum,
Nova Vulgata23,21at illi succlamabant dicentes: “ Crucifige, crucifige illum! ”.
Nova Vulgata23,22Ille autem tertio dixit ad illos: “ Quid enim mali fecit iste? Nullam causam mortis invenio in eo; corripiam ergo illum et dimittam ”.
Nova Vulgata23,23At illi instabant vocibus magnis postulantes, ut crucifigeretur, et invalescebant voces eorum.
Nova Vulgata23,24Et Pilatus adiudicavit fieri petitionem eorum:
Nova Vulgatadimisit autem eum, qui propter seditionem et homicidium missus fuerat in carcerem, quem petebant, Iesum vero tradidit voluntati eorum.
25Dimisit autem illis eum | propter homicidium et seditionem
Nova Vulgata Et cum abducerent eum, apprehenderunt Simonem quendam Cyrenensem venientem de villa et imposuerunt illi crucem portare post Iesum.
26Et cum ducerent eum
Nova Vulgata 23,27Sequebatur autem illum multa turba populi et mulierum, quae plangebant et lamentabant eum.
Nova Vulgata23,28Conversus autem ad illas Iesus dixit: “ Filiae Ierusalem, nolite flere super me, sed super vos ipsas flete et super filios vestros,
Nova Vulgata23,29quoniam ecce venient dies, in quibus dicent: “Beatae steriles et ventres, qui non genuerunt, et ubera, quae non lactaverunt!”.
Nova Vulgata 23,30Tunc incipient dicere montibus: “Cadite super nos!”, et collibus: “Operite nos!”,
Nova Vulgata23,31quia si in viridi ligno haec faciunt, in arido quid fiet? ”.
Nova Vulgata 23,32Ducebantur autem et alii duo nequam cum eo, ut interficerentur.
Nova Vulgata 23,33Et postquam venerunt in locum, qui vocatur Calvariae, ibi crucifixerunt eum et latrones, unum a dextris et alterum a sinistris.
Nova Vulgata23,34Iesus autem dicebat: “ Pater, dimitte illis, non enim sciunt quid faciunt ”. Dividentes vero vestimenta eius miserunt sortes.
Nova VulgataEt stabat populus exspectans. Et deridebant illum et principes dicentes: “ Alios salvos fecit; se salvum faciat, si hic est Christus Dei electus! ”.
35illum principes cum eis dicentes
Nova VulgataIlludebant autem ei et milites accedentes, acetum offerentes illi
36et acetum offerentes illi
Nova Vulgataet dicentes: “ Si tu es rex Iudaeorum, salvum te fac! ”.
37illi dicentes
Nova VulgataErat autem et superscriptio super illum: “ Hic est rex Iudaeorum ”.
38superscriptio inscripta super illum litteris graecis et latinis et hebraicis (cfr. Io 19, 20)
Nova Vulgata Unus autem de his, qui pendebant, latronibus blasphemabat eum dicens: “ Nonne tu es Christus? Salvum fac temetipsum et nos! ”.
39Si tu es Christus
Nova Vulgata23,40Respondens autem alter increpabat illum dicens: “ Neque tu times Deum, quod in eadem damnatione es?
Nova Vulgata23,41Et nos quidem iuste, nam digna factis recipimus! Hic vero nihil mali gessit ”.
Nova VulgataEt dicebat: “ Iesu, memento mei cum veneris in regnum tuum ”.
42Et dicebat ad Iesum: Domine, memento mei
Nova VulgataEt dixit illi: “ Amen dico tibi: Hodie mecum eris in paradiso ”.
43Et dixit illi Iesus
Nova Vulgata Et erat iam fere hora sexta, et tenebrae factae sunt in universa terra usque in horam nonam,
44Erat autem fere
Nova Vulgata23,45et obscuratus est sol, et velum templi scissum est medium.
Nova Vulgata23,46Et clamans voce magna Iesus ait: “ Pater, in manus tuas commendo spiritum meum ”; et haec dicens exspiravit.
Nova Vulgata 23,47Videns autem centurio, quod factum fuerat, glorificavit Deum dicens: “ Vere hic homo iustus erat! ”.
Nova Vulgata23,48Et omnis turba eorum, qui simul aderant ad spectaculum istud et videbant, quae fiebant, percutientes pectora sua revertebantur.
Nova Vulgata 23,49Stabant autem omnes noti eius a longe et mulieres, quae secutae erant eum a Galilaea, haec videntes.
Nova Vulgata 23,50Et ecce vir nomine Ioseph, qui erat decurio, vir bonus et iustus
Nova Vulgata— hic non consenserat consilio et actibus eorum — ab Arimathaea civitate Iudaeorum, qui exspectabat regnum Dei,
51civitate Iudaeae qui exspectabat et ipse
Nova Vulgata23,52hic accessit ad Pilatum et petiit corpus Iesu
Nova Vulgata23,53et depositum involvit sindone et posuit eum in monumento exciso, in quo nondum quisquam positus fuerat.
Nova Vulgata23,54Et dies erat Parasceves, et sabbatum illucescebat.
Nova Vulgata23,55Subsecutae autem mulieres, quae cum ipso venerant de Galilaea, viderunt monumentum et quemadmodum positum erat corpus eius;
Nova Vulgata23,56et revertentes paraverunt aromata et unguenta et sabbato quidem siluerunt secundum mandatum.