Nova Vulgata4Itaque, fratres mei carissimi et desideratissimi, gaudium et corona mea, sic state in Domino, carissimi!
1et desiderantissimi, gaudium meum
Nova Vulgata 4,2Evodiam rogo et Syntychen deprecor idipsum sapere in Domino.
Nova VulgataEtiam rogo et te, germane compar, adiuva illas, quae mecum concertaverunt in evangelio cum Clemente et ceteris adiutoribus meis, quorum nomina sunt in libro vitae.
3quae mecum laboraverunt in evangelio
Nova Vulgata 4,4Gaudete in Domino semper. Iterum dico: Gaudete!
Nova Vulgata4,5Modestia vestra nota sit omnibus hominibus. Dominus prope.
Nova VulgataNihil solliciti sitis, sed in omnibus oratione et obsecratione cum gratiarum actione petitiones vestrae innotescant apud Deum.
6sed in omni oratione
Nova VulgataEt pax Dei, quae exsuperat omnem sensum, custodiet corda vestra et intellegentias vestras in Christo Iesu.
7custodiat
Nova Vulgata De cetero, fratres, quaecumque sunt vera, quaecumque pudica, quaecumque iusta, quaecumque casta, quaecumque amabilia, quaecumque bonae famae, si qua virtus et si qua laus, haec cogitate;
8quaecumque iusta, quaecumque sancta, quaecumque amabilia | si qua virtus, si qua laus
Nova Vulgata4,9quae et didicistis et accepistis et audistis et vidistis in me, haec agite; et Deus pacis erit vobiscum.
Nova Vulgata Gavisus sum autem in Domino vehementer, quoniam tandem aliquando refloruistis pro me sentire, sicut et sentiebatis, opportunitate autem carebatis.
10sicut et sentiebatis, occupati autem eratis
Nova Vulgata4,11Non quasi propter penuriam dico, ego enim didici, in quibus sum, sufficiens esse.
Nova Vulgata4,12Scio et humiliari, scio et abundare; ubique et in omnibus institutus sum et satiari et esurire et abundare et penuriam pati.
Nova Vulgata4,13Omnia possum in eo, qui me confortat.
Nova Vulgata 4,14Verumtamen bene fecistis communicantes tribulationi meae.
Nova Vulgata4,15Scitis autem et vos, Philippenses, quod in principio evangelii, quando profectus sum a Macedonia, nulla mihi ecclesia communicavit in ratione dati et accepti nisi vos soli;
Nova Vulgata4,16quia et Thessalonicam et semel et bis in usum mihi misistis.
Nova VulgataNon quia quaero datum, sed requiro fructum, qui abundet in rationem vestram.
17fructum abundantem
Nova VulgataAccepi autem omnia et abundo; repletus sum acceptis ab Epaphrodito, quae misistis odorem suavitatis, hostiam acceptam, placentem Deo.
18Habeo autem omnia
Nova VulgataDeus autem meus implebit omne desiderium vestrum secundum divitias suas in gloria in Christo Iesu.
19impleat omne desiderium
Nova Vulgata4,20Deo autem et Patri nostro gloria in saecula saeculorum. Amen.
Nova Vulgata 4,21Salutate omnem sanctum in Christo Iesu. Salutant vos, qui mecum sunt, fratres.
Nova Vulgata4,22Salutant vos omnes sancti, maxime autem, qui de Caesaris domo sunt.
Nova Vulgata 4,23Gratia Domini Iesu Christi cum spiritu vestro. Amen.